මැයි,01,(විමසුම) – 3 වැනි විස්සයි 20 ලෝක කුසලාන ක්‍රිකට් තරඟාවලිය බටහිර ඉන්දීය කොදෙව් දූපත්හි ආරම්භ කරමින්, ශ්‍රී ලංකාව පරාජයට පත් කරමින් නවසීලන්තය සිය මුල්ම ජයග්‍රහණය ගයානාහි දී මීට සුළු මොහොතකට පෙර ඉතා තියුණු තරඟයකින් පසු එක පන්දුවක් ඉතිරිව තිබියදී වාර්තා කළේය.

මැයි,01,(විමසුම) – බල්ලන් සඳහාම වෙන් වූ ලේ බැංකුවක් මුල් වරට පිහිටුවීමට ඉන්දීයාවේ චෙන්නායි නුවර විශ්ව විද්‍යාලයක් පියවර ගෙන ඇතැයි එරට මාධ්‍ය වාර්තා කරයි.

මැයි,01,(විමසුම) – පඩි පාලක සභා මඟින් ආවරණය වන පෞද්ගලික අංශයේ සේවකයන්ගේ අවම වැටුප 20% සිට 45% දක්වා වැඩි කිරීමට පියවර ගන්නා බව කම්කරු සබඳතා හා ඵලදායිතා ප්‍රවර්ධන නව ඇමැති ගාමිණි ලොකුගේ මහතා ප්‍රකාශ කරයි.

මැයි,01,(විමසුම) – ත්‍රස්තවාදය විසින් අවහිර කළ සංවර්ධනයේ මාවත් සියල්ල අද අපේ රටේ කම්කරු ජනතාව වෙනුවෙන් විවෘතව ඇතැයි ද මේ තත්ත්වය යටතේ ආර්ථික සංවර්ධනය වෙනුවෙන් ඉදිරි වර්ෂයන්හි දී රජය වැඩ කරන ජනතාවට වඩාත් සහන ලබාදීමට බලාපොරොත්තු වන බවද ජනාධිපතිවරයා මැයි දින පණිවිඩයෙන් කියයි.

මැයි,01,(විමසුම) – ලෝක කම්කරු දිනය සමරන අද කොළඹ නගරයේ පමණක් මැයි රැළි 11ක් පැවැත්වීමට කටයුතු සංවිධානය කර ඇතැයි පොලිස් වාර්තා කියයි.