දෙසැ,01 (විමසුම) – පසුගිය අගෝස්තු මාසයේ දී පැවැත්වූ අධ්‍යයන පොදු සහතික පත්‍ර උසස් පෙළ විභාගයේ විභාග ප්‍රතිඵල ඉදිරි සති දෙක ඇතුළත දී නිකුත් කරන බව විභාග කොමසාරිස්වරයා පවසයි.

දෙසැ,01,(විමසුම) – එංගලන්තය හා ශ්‍රී ලංකාව අතර අදින් ඇරඹෙන ටෙස්ට් තරගාවලියේ දී මුත්තයියා මුරලිදරන්ට ෂේන් වොන් ගේ ලෝක වාර්තාව පසුකර යාහැකි යැයි ක්‍රීඩා විචාරකයින් විශ්වාසය පළකරයි.

දෙසැ,01,(විමසුම)- අයවැය හිඟය පියවීමට ඩොලර් ණය ලබාගැනීමේ පුරුද්ද නතර නොකරන්නේ නම්, ලංකාව විදේශ ණය අර්බුදයකට මුහුණදිය හැකිබවට, ජාත්‍යන්තර මූල්‍ය අරමුදල අනතුරු හඟවයි.

දෙසැ,01 (විමසුම) – වාහන පණ ගන්වා පාසල් හා පෙර පාසල් අසළ නතර කර තැබීම තහනම් කිරීමට මධ්‍යම පරිසර අධිකාරිය පියවර ගනිමින් සිටී.

දෙසැ,01 (විමසුම) – ශ්‍රී ලංකා මුස්ලිම් කොන්ග්‍රසය තෙවන වර ඡන්ද විමසීමේ දී අයවැයට පක්ෂව ඡන්දය ලබා දිය යුතු ද යන්න තීන්දු කිරීම සඳහා එම පක්ෂයේ විශේෂ කාරක සභා රැස්වීමක් අද පැවැත්වීමට කටයුතු යොදා ඇත.