අප්‍රේල්,10,(විමසුම) – එක්සත් ජාතික පෙරමුණින් පුත්තලම දිස්ත්‍රික්කයේ මුලට පැමිණි පාලිත රංගේ බණ්ඩාරට එම පක්ෂයේම පරාජිත අපේක්ෂක ශාන්ත අබේසේකර ඇතුළු පිරිසක් එල්ල කළ මැර ප්‍රහාරයකින් බරපතල තුවාල ලබා මාරවිල රෝහලට ඇතුලත් කිරිමෙන් අනතුරුව කොළඹ මහ රෝහලට මාරු කර යවා ඇත.

අප්‍රේල්,11,(විමසුම) – පාලිත රංගේ බණ්ඩාරට පහරදී මාරාන්තික තුවාල සිදු කළබව කියන එ.ජා.ප පරාජිත අපේක්ෂක ශාන්ත අබේසේකර ඇතුළු 05 ක් ලබන ලබන 23 දා දක්වා රක්ෂිත බන්ධනාගාර ගතකර ඇත.

ඊයේ සවස තම පාක්ෂිකයින්ගෙන්ම මැර ප්‍රහාරයකට ලක් වූ එක්සත් ජාතික පෙරමුණින් පුත්තලම දිස්ත්‍රික්කයේ මුලට පැමිණි පාලිත රංගේ බණ්ඩාර මහතා මේ වනවිට ශල්‍යකර්මයකට ලක්ව කොළඹ මහ රෝහලේ දැඩි සත්කාර ඒකකයේ ප්‍රතිකාර ලබමින් සිටින බව සඳහන්ය.

අප්‍රේල්,11, (විමසුම) – අලුත් අවුරුද්දට ගම්බිම් බලා යන මගී ජනතාවගේ පහසුව සඳහා ශ්‍රී ලංගම, දුම්රිය දෙපාර්තමේන්තුව හා ජාතික ගමනා ගමන කොමිසන් සභාව විශේෂ ප්‍රවාහන සේවා අරඹා තිබේ.

අප්‍රේල්,11,(විමසුම) – පවතින මැතිවරණ ක්‍රමය වෙනස් කිරීම ඇතුළු නව යෝජනා රැසක් අඩංගු ව්‍යවස්ථා සංශෝධනයක් කඩිනම්න් පාර්ලිමේන්තුවට ගෙන ඒමට රජය සූදානම් වනබව වාර්තා වේ.

අප්‍රේල්,11, (විමසුම) – මෙවර මැතිවරණයෙන් මහින්ද රාජපක්ෂ රජය අත්පත් කර ගත් විශිෂ්ට ජයග්‍රහණය ඉන්දීයාවට ද හිතකරව බලපාන්නක් බව එරට ජනතා පක්ෂයේ සභාපති සුබ්‍රමනියම් ස්වාමි පවසයි.