සැප්,09 (විමසුම) – ඊයේ (08) දිනය පුරාවට යුධ හමුදාව විසින් වව්නියාව අම්පාඩි-ඉල්ලුපාකුලම් ප්‍රදේශයේ කළ සෝදිසි මෙහෙයුම් වල දී පුද්ගල නාශක බෝම්බ 19ක් සොයා ගත් බව ආරක්ෂක අංශ අනාවරණය කරයි.

සැප්,09 (විමසුම) – රජය විසින් ඉදිරි වර්ෂය සඳහා ලබන නොවැම්බර් මාසයේ දී ඉදිරිපත් කිරීමට සූදානම් වන අය වැය හරහා විවිධ ප්‍රදේශවල යටිතල පහසුකම් නැංවීමට සැලකිය යුතු මූල්‍ය ප්‍රතිපාදන ප්‍රමාණයක් වෙන් කරන බව රජය පවසයි.

සැප්,09 (විමසුම) – ඊයේ දකුණු අප්‍රිකාවේ සෙ(ඩ්)ගාර්ස් පාර්ක්හි දී පැවති පන්දු වාර විස්සේ පෙර පුහුණු තරඟයක දී ශ්‍රී ලංකාව, ප්‍රභල දකුණු අප්‍රිකාව පරදවා කඩුලු 5ක විශිෂ්ට ජයග්‍රහණයක් අත් පත් කර ගත්තේය.

සැප්,09 (විමසුම) – ශ්‍රී ලංකාවේ පුද්ගල අතුරුදන්වීම් සම්බන්ධයෙන් “හියුමන් රයිට්ස් වොච්” ආයතනය විසින් නිකුත් කළ කරුණු සම්බන්ධයෙන් රජය, මෙම මස 11වනදා සිට 24වනදා දක්වා ස්විට්සර්ලන්තයේ ජිනීවා නුවර දී පැවැත්වෙන අන්තර් ජාතික මානව හිමිකම් සමුළුවේ අවධානය යොමු කිරීමට නියමිතයි.