ජුනි,09‍ (විමසුම) – ජපාන සාම නියෝජිත යසුෂි අකාෂි මහතා තම පස් දින නිල සංචාරය අවසන් කරමින් අද කොළඹ දී වාර්ථාකරුවන් අමතමින් කියා සිටියේ මානව හිමිකම් පිළිබඳ නොයෙකුත් ප්‍රශ්ණ තිබියදී වුවද ලංකාවට ආධාර දීම නැවැත්වීමට තමාගේ කිසිදු අදහසක් නොමැති බවයි.

ජුනි,09‍ (විමසුම) – ශ්‍රී ලංකා සාම මහලේකම් කාර්යාලයේ නව මහ ලේකම් ධුරයට මහාචාර්ය රජීව විජේසිංහ මහතා පත් කර ඇත.

ජූනි,10 (විමසුම) - ආසියාව හා අප්‍රිකාව අතර පැවැත්වුණු දෙවන එක් දින තරඟයෙන් ලකුණු 31ක ජයක් ලැබීමට ආසියානු කණ්ඩායම ඊයේ සමත් විය.චෙන්නායිහි එම්.ඒ චිදම්බරම් ක්‍රීඩාංගනයේ දී පැවැත්වුණු මෙම තරඟයේ දී තරඟයේ වීරයා බවට පත් වූයේ ආසියාව වෙනුවෙන් කඩුලු 4ක් ලබා ගත් ශ්‍රී ලංකාවේ ක්‍රීඩක දිල්හාර ප්‍රනාන්දුය.

ජූනි,10 (විමසුම) - කොළඹ විවිධ ලැගුම්හල්වල ලැගුම් ගෙන සිටි ‍ඇතැම් දෙමළ ජාතිකයින් තම ස්ථිර වාසස්ථානවල පදිංචි කරවීමට පොලීසිය පසුගිය 7වනදා ක්‍රියා කළේය.

ජූනි,10 (විමසුම) - ඊයේ (09) ප.ව 7.00ට පමණ ත්‍රිකුණාමලය කුඹුරුපිඩ්ඩි ප්‍රදේශයේ සැක කටයුතු ලෙස ගමන් ගනිමින් තිබූ අත් ට්‍රැක්ටරයක් ඉලක්ක කර ගනිමින් නාවික හමුදාව විසින් ප්‍රහාරයක් එල්ල කර ඇත.