කාලගුණ විද්‍යා දෙපාර්තමේන්තුවට අනුව, , කොළඹට අද දහවල් වනවිට මිලි මීටර් 121 ක පමණ වර්ෂාපතනයක් ලැබී තිබු අතර දිවයිනේ බොහෝ ප්‍රදේශවලට නොකඩවා එම වැසි අද දවස පුරා අඛන්ඩව ඇද හැලෙන ස්වරුපයක් පවතින බවද සඳහන්ය..

බෙංගාල බොක්ක ප්‍රදේශයේ ඇතිව ඇති දැඩි කැලඹිලි ස්වරුපයක් මෙම හදිසි කාළගුණ විපර්යාසයට හේතුව බව දෙපාර්තමේන්තුව කියයි.

අද අලුයම සිට කොළඹට ඇද හැලෙන අධික වර්ෂාවෙන් හා හමාගිය සුළං නිසා 44 වැනි වරටත් කොළඹ තොටළග ඉදිකර තිබු තොරණ හා කොළඹ කොටුව හා පිටකොටුව ප්‍රදේශ වල ඉදි කර තිබු තොරණ 02 ක් කඩා වැටී තිබුනේ විශාල අලාභ හානි සිදු කරමින්ය.

මේ සමගින් කොළඹ බොහෝ වෙසක් සැරසිලි ද වැස්සට දියවී ගොස් තිබුණේ තෙවැනි දිනටත් වෙසක් සිරි නැරඹිමේ අවස්ථාව ජනතාවට අහිමි කරමිනි.

කොළඹ විථි බොහොමයක් මේ වනවිටත් ජලයෙන් යටවී රථවාහන ගමනාගමනයට දැඩි බාධා මතු වී ඇති අතරේ කොළඹ අක්‍රමවත් කානු පද්ධති නඩත්තුව හා අනාරක්ෂිත විදුලි කණු ඇදිම් නිසා අහිංසක ජිවිත 02 ක්ද අද අකාලයේ අහිමි විණි.

කොම්පඤඤවිදීය ප්‍රදේශයේ විදුලි කාන්දුවිමක් නිසා මහමග ගමන්ගත් කාන්තාවක මියගිය අතර කොළඹ විජේරාම ප්‍රදේශයේ අක්‍රමවත් කානු පද්ධතියක ගිලි යාමෙන් මොරටු ප්‍රදේශයේ පදිංචි 29 හැවිරිදි කාන්තාවක ද මිය ගියාය.

මීට අමතරව ගාල්ල ප්‍රදේශයේ පස් කන්දක් කඩා වැටීමෙන් සිදු වූ අනතුරකින් සිව් දෙනෙකු මිය ගොස් ඇත.

ඒ අනුව මෙම 10 දා සිට දිනපතා රාත්‍රී 10.30 සිට අලුයම 4.30 තෙක් ගුවන් තොටුපොළ වසා දැමෙන බව ගුවන් සේවා අමාත්‍ය සරත් කුමාර ගුණරත්න මහතා "විමසුම" ට පැවසීය.

බොහෝ ගුවන් සේවා රාත්‍රී කාලයේ ගුවන් තොටුපොළට ළඟාවීම ප්‍රතික්ෂේප කර ඇති නිසා ඒ පිළිබඳ කටයුතු යථා තත්ත්වයට පත්වන තුරු මෙම තිරණය ගැනීමට රජය පියවර ගත් බව අමාත්‍යවරයා වැඩිදුරටත් පැවසීය.

කොටි සංවිධානය විසින් පසුගියදා රාත්‍රී ගුවන් ප්‍රහාරයක් එල්ලකළ අතර ඉන්පසුව එමිරේට්ස්, සිංගප්පූරු ගුවන් සමාගම් රාත්‍රියට කොළඹට පියාසර කිරීම නතර කළේය.

මීට අමතරව, කැතේ පැසිෆික් ගුවන් සමාගම කොළඹට පියාසර කිරීම මේ වනවිට තාවකාලිකව අත්හිටුවා තිබේ.