පෙබ.08,(විමසුම)-උතුරු-නැගෙනහිර අර්බුදයට ශ්‍රි ලංකා නිදහස් පක්ෂයේ විසදුම් යෝජනා ඉදිරි සති කිහිපය ඇතුළතදි රට හමුවේ තබන බව, එහි මහ ලේකම් අමාත්‍ය මෛත්‍රිපාල සිරිසේන පවසයි.

ඒකීය රටක් තුළ පුළුල් බලය ‍ෙබදාහැරීමක් පිළිබඳ යෝජනා ශ්‍රි.ල.නි.ප.යේ මෙම යෝජනාවල ඇතුළත් වන බව අද (08) කොළඹ ප්‍රවෘත්ති දෙපාර්තමේන්තුවේ පැවති පක්ෂයේ මාධ්‍ය හමුවකදී මහ ලේකම්වරයා අනාවරණය කළේය.

පෙබ.08,(විමසුම)- ශ්‍රි ලංකා නිදහස් පක්ෂය තුළ විවිධ කුමන්ත්‍රණ දියත් කරන පිරිස් වෙත්නම්, ඹවුනට එරෙහිව විනයානුකුලව පියවර ගන්නා බව, පක්ෂ නායක ජනාධිපති මහින්ද රාජපක්ෂ පවසයි.

පෙබ.08,(විමසුම)-බටහිර කොළඹ ශ්‍රී ලංකා නිදහස් පක්ෂ නව සංවිධායක ලෙස හිටපු අමාත්‍ය ගාමිණි දිසානායක මහතාගේ කණිටු පුත්, මයන්ත දිසානායක අද (08) දා ජනාධිපති මහින්ද රාජපක්ෂ අතින් සිය පත්වීමේ ලිපිය භාර ගත්තේය.

මේ අතර, ජනාධිපති ඥාති පාර්ලිමේන්තු මන්ත්‍රිනී නිරූපමා රාජපක්ෂ මහත්මියට මුල්කිරිගල සංවිධායක ධුරය හිමිව ඇත..