අප්‍රේල්,03, (විමසුම) – ලංකා සළුසල අහෝසි කර, ඒ වෙනුවට වෙනත් රාජ්‍ය ඇඟළුම් ආයතනයක් බිහිකිරිමට රජය තීරණය කර ඇතැයි, රජයේ ජ්‍යෙෂ්ඨ ඇමතිවරයෙකු “විමසුම” ට කීය.

අප්‍රේල්,04 (විමසුම) – මෙවර අ.පො.ස. සාමාන්‍ය පෙළ විභාගයේ ප්‍රතිඵල අද නිකුත් කරන බව විභාග කොමසාරිස් පවසයි.

අප්‍රේල්,04 (විමසුම) – අද අලුයම 01.30 ට පමණ මුලතිව් අලම්පීල් මුහුදේදී නාවික හමුදාව, කොටි බෝට්ටු පෙළක් ඉලක්ක කරමින් එල්ල කළ ප්‍රහාර හමුවේ බෝට්ටු 02ක් විනාශ වූ අතර කොටි සාමාජිකයන් 11 දෙනෙකු මිය ගිය බව නාවික හමුදාව පවසයි.

අප්‍රේල්,04 (විමසුම) – හබරන දේවාල හන්දියේ අද උදෑසන සිදු වූ බස් අනතුරකින් ග්‍රාමාරක්ෂක භටයෙකු මිය ගොස් තවත් මඟීන් 30කට පමණ තුවාල සිදු වූ බව පොලීසිය කියයි.

අප්‍රේල්,04 (විමසුම) – රජයේ පාලන ප්‍රදේශවලට යා නොදී සිර කර ගෙන සිටින උතුරේ සිවිල් වැසියන් වහා මුදා හරින්නැයි එක්සත් ජාතීන්ගේ මහ ලේකම් බෑන් කී මූන්, එල්.ටී.ටී.ඊ. නායක ප්‍රභාකරන් හට දැනුම් දෙයි.