ඔක්‍,29,(විමසුම) – යුද හමුදාවේ 58 වැනි බළකායේ හේවායෝ අද කිළිනොච්චි ඒ 32 මාර්ගයේ බටහිර පිහිටි ජයපුරම්හි බලය අත්පත් කරගත් බව ආරක්ෂක අංශ පවසයි.

ඔක්‍,29,(විමසුම) – කොටි සැහැල්ලු ගුවන් යානයකින් කැළණිතිස්ස බලාගාරය‍ට ඊයේ රාත්‍රී හෙළු බෝම්බ වලින් සිදුවූ හානි දැක්වෙන ඡායාරූප මෙන්න.

ආරක්ෂක අංශ පැවසුවේ කොටියන් විසින් ඊයේ රාත්‍රී කැළණිතිස්ස විදුලි බලාගාරයට බෝම්බ දෙකක් හෙළා තිබෙන බවයි.

විදුලි බල හා බලශක්ති අමාත්‍ය ඩබ්ලිව්.ඩී.ජේ සෙනෙවිරත්න අද පැවසුවේ මින් එක් බෝම්බයක් විදුලිය ජනනය කරන තලබමනය සිසිල් කරන පද්ධතියට වැටී තිබෙන බවත් අනික ගොඩනැගිල්ලක ඉහළ මාලයට වැටී තිබෙන බවයි.

එම බෝම්බය ගොඩනැගිල්ලේ කොන්ක්‍රීට් තට්ටුවද හිල් කරගෙන බිමට වැටී පිපිරී තිබෙන බව මූලික පරීක්ෂණ වලදී තහවුරු වූ බව අමාත්‍යවරයා කීය.

හානි සිදුවී තිබෙන තලබමනය අළුත් වැඩියාවට මාස 06 ක් පමණ ගතවනු ඇතැයි අමාත්‍යවරයා සඳහන් කළේය.

අමාත්‍යවරයා පවසන්නේ බලාගාරයට සිදුවූ හානි පිළිබඳව තක්සේරු කිරීමට තවත් දින කිහිපයක් ගතවනු ඇති බවත්, ප්‍රහාරය නිසා විදුලිය සැපයුමට කිසිදු බාධාවක් සිදුව නොමැති බවයි.

ඔක්,29,(විමසුම) – හමුදාව අද කිලිනොච්චියේ නච්චිකුඩා ඉදිරි ආරක්ෂක වළල්ල හා අක්කරායන්කුලම් වැව් බැම්ම අල්ලා ගත්බව ආරක්ෂක අංශ කියයි.

ඔක්,30,(විමසුම) – නිරිත දිග පාකිස්තානයේ ඇතිවූ භූමි කම්පාවෙන් මිය ගිය පුද්ගලයන් ගණන 215 දක්වා ඉහළ නැග ඇති බව විදෙස් මාධ්‍ය වාර්තා පවසයි.

ඔක්‍,30, (විමසුම) – ත්‍රිකුණාමලය කින්නියා ප්‍රදේශයේ වළදමා තිබූ ගිනි අවි සහ උණ්ඩ තොගයක් සොයා ‍ගත්බව පොලීසිය කියයි.