දෙසැ,25,(විමසුම) – අද දිනය තුළදී, කිලිනොච්චියේ සින්න පරන්තන් ප්‍රදේශයේ දරුණු ගැටුම් ඇතිවූ බව ආරක්ෂක අංශ කියයි.

දෙසැ,27,(විමසුම) – ගෝල්ඩන් කී ක්‍රෙඩිට් කාඩ් සමාගමේ ගනුදෙනුකරුවන්ගේ මුදල් ගෙවීමට, සෙලාන් බැංකුව සතු කොටස් විකුණන බව, සෙලින්කෝ සමූහ ව්‍යාපාරය කියයි.

දෙසැ,27,(විමසුම) – ඔඩ්ඩුසූඩාන්-මුලතිව් මාර්ගයේ පිහිටා තිබෙන ප්‍රධාන නගරයක් වන මුල්ලියාවලෙයි, ආරක්ෂක අංශ විසින් අල්ලා ගනී.

දෙසැ,27 (Vimasuma) – කිලිනොච්චි මුදා ගැනීමෙන් අනතුරුව යාපනය දිස්ත්‍රික්කයේ පළාත් පාලන හෝ පළාත් සභා ඡන්දයක් පැවැත්වීම සඳහා ජනාධිපතිවරයා සමඟ සාකච්ඡා කරමින් සිටින බව සමාජ සේවා හා සමාජ සුභ සාධන අමාත්‍ය ඩග්ලස් දේවානන්ද මහතා පැවසීය.

දෙසැ,27 (Vimasuma) – යාපනය මධ්‍ය මහා විද්‍යාලයේ හා වේම්බිඩ් කාන්තා විද්‍යාලයේ පැවැත්වෙන “යාපනයේ අනාගත දැක්ම” වෙළඳ, අධ්‍යාපන හා කාර්මික ප්‍රදර්ශණය සඳහා විශාල පිරිසක් පැමිණෙමින් සිටින බව මේ වන විට එහි ගොස් සිටින “විමසුම” මාණ්ඩලික වාර්තාකරු සඳහන් කරයි.