ඔක්,21 (විමසුම) – ඊයේ (20) උදෑසන 11.00ට පමණ මන්නාරම උයිලන්කුලමට උතුරු දෙසින් පිහිටි ඉදිරි ආරක්ෂක වළල්ල දෙසට ප්‍රහාරයක් එල්ල කිරීමට පැමිණි කොටි ත්‍රස්තවාදීන් පිරිසක් වෙත කාලතුවක්කු යොදා ගෙන ආරක්ෂක අංශ විසින් එල්ල කළ ප්‍රහාරයෙන් කොටි ත්‍රස්තවාදීන් 8 දෙනෙක් මිය ගොස් ඇත.

ඔක්,21 (විමසුම) – සංචාරක අමාත්‍ය මිලින්ද මොරගොඩ මහතාට එරෙහිව පාර්ලිමේන්තුවට ගෙන ආ විශ්වාස භංගයෙන් අනතුරුව අමාත්‍ය කරු ජයසූරිය මහතාට එරෙහිව ද විශ්වාසභංග යෝජනාවක් ගෙන ඒමට සූදානම් වන බව පාර්ලිමේන්තු මන්ත්‍රී ශ්‍රීපති සූරියආරච්චි මහතා පවසයි.

ඔක්,21 (විමසුම) – සබරගමුව විශ්වවිද්‍යාලයේ සිසුන් පිරිසක් හා ඊට අනුබද්ධ ව්‍යවහාරික විද්‍යා පීඨයේ සිසුන් පිරිසක් විසින් එම විශ්වවිද්‍යාලය වටලා තිබීම නිසා එම විශ්වවිද්‍යාලය දින නියමයක් නොමැතිව වසා දැමීමට බලධාරීන් පියවර ගෙන ඇත.

ඔක්,21 (විමසුම) – අට වසරකට පසු පසුගියදා ආපසු සියරට පැමිණි පාකිස්ථානයේ හිටපු අගමැතිනි බෙනාසීර් භූටෝ මහත්මිය සිය රටට පය ගසනවාත් සමඟම මරාගෙන මැරෙන බෝම්බ ප්‍රහාරයකට හසු වී අනූ නවයෙන් දිවි ගලවා ගත්තාය.

ඔක්,21 (විමසුම) – ළමා අපරාධ සිදුකරන්නන්ට ලබා දෙන දඬුවම් තවදුරටත් වැඩි කිරීම සඳහා නව පනත් කෙටුම්පතක් ගෙන ඒමට ළමා සංවර්ධන හා කාන්තා අභිවෘද්ධි අමාත්‍යාංශය සූදානම් වේ.