පෙබ,21,(විමසුම) – ජ්‍යෙෂ්ඨ ශ්‍රේෂ්ඨාධිකරණ විනිසුරු ශිරාණි බණ්ඩාරනායක මහත්මිය අද පෙරවරුවේ ජනපති මහින්ද රාජපක්ෂ මහතා ඉදිරියේ වැඩබලන අගවිනිසුරු ලෙස දිවුරුම් දුන්නාය.

පෙබ,22,(විමසුම) – මහ මැතිවරණය සඳහා එක්සත් ජනතා නිදහස් සන්ධානය අද නාමයෝජනා භාරදීම ආරම්භ කරන බව එම පක්ෂයේ මහලේකම් අමාත්‍ය සුසිල් ප්‍රේමජයන්ත මහතා පවසයි.

පෙබ,22,(විමසුම) – ශ්‍රී ලංකාවේ විපක්ෂ සන්ධානය අලියා හා කුසලානයෙන් වෙන වෙනම තරග කිරීමට තීරණය කිරීමත් සමගම පාලක සන්ධාන රජයට පාර්ලිමේන්තුවේ තුනෙන් දෙකක් හෝ ඊට ආසන්න ආසන සංඛ්‍යාවක් දිනා ගැනීමේ වරම උදා වෙතැයි, විචාරකයෝ පවසති.

පෙබ,22,(විමසුම) – පසුගිය සතිය තුළ උතුරේ සංචාරකයින්ගේ පැමිණීම ශීඝ්‍රයෙන් ඉහළ ගොස් තිබෙන බවත්, ඒ අනුව දේශීය හා විදේශීය සංචාරකයන් 550,000ක් පමණ පැමිණ ඇති බවත් සංචාරක අමාත්‍යාංශය පවසයි.

පෙබ,22,(විමසුම)- අහිමිව යෑමේ තර්ජනයට ලක්ව ඇති GSP + බදු සහනය ලබා ගැනීම සඳහා පුද්ගලික හා රාජ්‍ය අංශය ඒකාබද්ධව පුළුල් සාකච්ඡා වටයක් දියත් කළ යුතුව ඇතැයි, ශ්‍රී ලංකා ජාතික වාණිජ මණ්ඩලය පවසයි.