| මාර්තු,30,(විමසුම)- ශ්රී ලංකාවේ ආර්ථිකය 7.7% කින් 2006 දි වර්ධනය වී ඇතැයි, ජනලේඛන හා සංඛ්යාලේඛන දෙපාර්තමේන්තුව පවසන අතරේ එය 7.4% වර්ධනයක් බව මහ බැංකුව කියයි.
මහ බැංකුව සිය 2006 වාර්ෂික වාර්තාව අද පෙරවරුවේ උත්සවාකාරයෙන් ජනාධිපති මහින්ද රාජපක්ෂ වෙත පිරිනැමීමට කටයුතු සුදානම් කර තිබුණි.
මෙවර මහ බැංකු වාර්තාව වෙන වසරවලට වඩා මසක් කලින් මුදල් පනතේ නියමයන්ට අනුව මුදල් ඇමතිවරයාට පිරිනැමීමට මහ බැංකුව පියවර ගෙන ඇත.
මෙවර එය වර්ණයෙන් නව විශේෂාංග ඇතුළත්ව මුද්රණය කිරිමට ද පියවර ගෙන තිබුණි.
මේ අතරේ ජනලේඛන හා සංඛ්යාලේඛන දෙපාර්තමේන්තුව පසුගිය වසරේ සිය දත්ත වාර්තා මාධ්ය වෙත ඉදිරිපත් කරමින් ප්රකාශ කළේ, මෙතෙක් ශ්රී ලංකා ඉතිහාසයේ වාර්තාගත වු ඉහළම ආර්ථික වර්ධනය පසුගිය වසරේ වාර්තා වු
බවයි.
කෘෂිකාර්ම්ක අංශය 6.1% කින්ද,කර්මාන්ත අංශය 8.4% කින් හා සේවා අංශය 7.8% කින් ගතවූ වර්ෂය තුළ වර්ධනය වී ඇත.
ආර්ථිකයේ සියලුම අංශ මේ අනුව ඉහළ ප්රගතියක් වාර්තාකිරිම මෙහි සුවිශේෂිත්ව යැයි සංඛ්යා ලේඛන ප්රධානී සුරංජනා විද්යාරත්න මහත්මිය පවසයි.
සේවා අංශය 59.3% කින්ද, කාර්මාන්ත අංශය 28.4% කින්ද, කෘෂිකාර්මික අංශය 12.3% කින්ද ආර්ථික වර්ධනයට දායක වී ඇත.
2005 වසරේ ආර්ථිකය වර්ධනය වුයේ 6.2 % කිනි.
ශ්රී ලංකා මහ බැංකුව කෘෂිකාර්මික අංශයට වැඩි බර තැබිමකින් යුතුව ආර්ථික වෘද්ධි සංඛ්යාලේඛන සකසන අතරේ සංඛ්යාලේඛන දෙපාර්තමේන්තුව ඊට වෙනස් මුහුණුවරකින් වෘද්ධි දර්ශක වලට බර තැබීම් කරයි.
|
»
11:47 