සෝදිසි මෙහෙයුමක යෙදී සිටි පොලිස් විශේෂ කාර්යය බලකායේ සහ ග්‍රාම ආරක්ෂක භට පිරිසක් මෙම ප්‍රහාරයට ලක් ව තිබෙන අතර පොලිස් විශේෂ කාර්යය බලකායේ තිදෙනෙකු හා ග්‍රාම ආරක්ෂක භටයෙකු සිද්ධියෙන්, තුවාල ලබා ඇතැයි හමුදා ප්‍රකාශක බ්‍රිගේඩියර් ප්‍රසාද් සමරසිංහ කියයි‍.

අද උදෑසන 8‍.30ට පමණ මෙම සිද්ධිය සිදුව ඇත.

මූතූර්හි දී, පසුගියදා සුනාමි සහන සේවයේ යෙදි සිටි, රාජ්‍ය නොවන සංවිධානයක සේවකයින් 17 දෙනා ඝාතන සිද්ධිය සම්බන්ධයෙන් පරික්ෂා කිරිමට රජය ජාත්‍යන්තරව පිළිගත් ක්‍රමවේදයක් අනුව, ස්වාධීන පරික්ෂක වරුන්ගේ සහාය ලබා ගනිද්දි,එම පරික්ෂණ නිමවීමට මත්තෙන්,ඒවායේ අඩුපාඩුකම් විමසීමට එක්සත් ජාතින්ට අනුබද්ධිත ඇතැම් සංවිධාන පියවර ගෙන ඇතැයි අමාත්‍යවරයා කියයි‍.

අදාල පරික්ෂණ කටයුතු සම්බන්ධයෙන් ආරක්ෂක හමුදාවල අඩුපාඩුකම් සම්බන්ධයෙන් විමසීමට මේ අනුව එක්සත් ජාතින්ගේ නීති පිළිබඳ ආයතනයක් පියවර ගෙන ඇතැයිද හෙතෙම පවසයි.

මූතූර් ඝාතන ඇතුලු පසුගියදා සිදුවූ විවිධ මානව හිමිකම් කඩවිම් වලට අදාල සිද්ධින් විමර්ෂණය කිරිම සඳහා රජය මේ වනවිට හිටපු ශ්‍රේෂ්ඨාධිකරණ විනිසුරු නිශ්ශංක උදුලාගම මහතාගෙන් ප්‍රධානත්වයෙන් කමිටුවක් පත්කර ඇති අතර එහි කටයුතු විමර්ෂණය කිරිම සඳහා ඉන්දියාවේ විශ්‍රාමලත් අගවිනිසුරුවරයෙකු වු බඝවති මහතාද පත් කර තිබේ.

තත්ත්වය මෙසේ තිබියදී ජාත්‍යන්තරව අදාල කමිටුවල වාර්තා නිකුත්වීමට මත්තෙන් මේ අකාරයෙන් කටයුතු කිරිම‍ ස්වෛරී හා ස්වාධීන රාජ්‍යයක් ලෙස රජය අනුමත නොකරන බවද අමාත්‍යවරයා වැඩිදුරටත් අවධාරණය කළේය.

එල්.ටී.ටී.ය මානුෂික පදනම්න් ඒ නයින් මාර්ගය විවෘත කරන්නැයි, කොන්දේසි දමමමින්, සාම ක්‍රියාවලියෙන් බැහැර වූ බව කියන අමාත්‍යවරයා, රජය සාමයට ඇති සුදානම නැවත වරක් ශ්‍රි ලංකා සාම නියෝජිත කමිටු ප්‍රධානී, නිමල් සිරිපාල ද සිල්වා මහතා, නෝර්වේ තනාපතිවරයා හරහා එල්.ටී.ටී,ඊ. යට දැන්වීමට පසුගිය සතියේ මේ අනුව පියවර ගත් බවද කියයි.

කෙසේවෙතත් මෙම තත්ත්වය පිළිබඳව දැනුම් දීම‍ට, නෝර්වේ තනාපතිවරයා වන්නිය බලා ගමන් කිරිමට තිබු සුදානම වැලැක්වීමට , ඇතැම් මා‍ධ්‍ය ප්‍රකාශ කළ පරිදි, රජය කටයුතු නොකළ බවද හෙතෙම කියයි.

ඒ වෙනුවට රජය ක්‍රියා කළේ අදාල ගමනේ ඇති අවදානම ගැන නෝර්වේ තනාපතිවරයාට කරුණු කියා පෑම පමණක් බව පවසන, අමාත්‍ය රඹුක්වැල්ල ,ඒ අනුව අදාල ගමන අවලංගු කිරිමට ඔහු ක්‍රියා කර තිබූ බව පෙන්වා දේ.

ජිනිවා සාම සාකච්ඡා අසාර්ථක වීමෙන් පසු යුධ හමුදාපතිවරයා ඉලක්ක කර ගනිමින් පසුගියදා සිදු කළ මරාගෙන ප්‍රහාරය තෙක් රජය කිසිදු යුධමය පියවරක් අනුගමනය නොකළ බවද රඹුක්වැල්ල මහතා අවධාරණය කරයි.

කෙසේවෙතත් සාමය මුවාවෙන් ජාතික ආරක්ෂාව බාල්දු කිරීමට රජය කටයුතු නොකරන බවද හෙතෙම තරයේ අවධාරණය කරයි.

පසුගියදා "විමසුම" සමග අදහස් දක්වමින් එල්.ටී.ටී.ඊ. මාධ්‍ය ප්‍රකාශක රාසයියා ඉලන්තේරියන් ප්‍රකාශ කළේ, සටන් විරාම ගිවිසුම ඉතිහාසයේ සිදු වූ අත්වැරදිමකැයි කියූ රජයක් සමග නැවත සාමයක් ගැන කථා කිරිමෙන් ඵලක් නැති බවයි‍.

මේ අතර අද පෙරවරුවේ කොළඹදී පැවති ආරක්ෂක තොරතුරු දැනුම් දිමේ මාධ්‍ය හමුවේදි අමාත්‍ය රඹුක්වැල්ල වැඩිදුරටත් කරුණු දක්වමින් ,උතුරුකරයට රජය ආර්ථික සම්බාධක පනවා ඇතැයි එල්.ටී.ටී.ඊ.ය කරන ප්‍රකාශ ප්‍රතික්ෂේප කළේය.