අප්‍රේල්,01,(විමසුම) – අද උදෑසන එල්.ටී.ටී.ඊ.ය විසින් මුරුන්කන් රජයේ රෝහල වෙත මෝටාර් ප්‍රහාරයක් එල්ලකළ බව ආරක්ෂක අංශ කියයි.

අප්‍රේල්,01,(විමසුම) – මින්නේරිය, කටුකැලියාව හමුදා කඳවුරේ සෙබළුන් පිරිසක් අද සවස අකුණු සැරකට ලක්වූ අතර ඉන් සිව් දෙනෙකු මියගොස් ඇත.

අප්‍රේල්,01,(විමසුම) – පැනයෑමට තැත් කිරීමේදී, කුරුවිට බන්ධනාගාරයේ සිරකරුවන් 05 දෙනෙකු අද සවස වෙඩි කා මියගිය බව පොලීසිය කියයි.

අප්‍රේල්,02,(විමසුම) – ශ්‍රී ලංකා මුස්ලිම් කොංග්‍රසයේ එම්.එල්.ඒ.එම්. හිස්බුල්ලා මහතා ඊයේ පස්වරුවේ ආණ්ඩුවට එක්විය.

අප්‍රේල්,02(විමසුම) – අකුණු සැර වැදී බරපතල තත්ත්වයේ පසුවූ මින්නේරිය කටුකැලියාව යුධ හමුදා පුහුණු කඳවුරේ සෙබළු තිදෙනාගෙන් එක් හමුදා සෙබළෙකු අද උදෑසන මියගිය බව පොළොන්නරුව රෝහල් අධිකාරී වෛද්‍ය කපිල වික්‍රමනායක මහතා “විමසුම”ට පැවසීය.