මාස පහලොවකට පසුව වාර්තාවූ ඉහළම උද්ධමනය ජූලි මාසයේදී ශ්‍රී ලංකාව විසින් වාර්තා කර තිබේ.

මේ අනුව, රජයේ නිළ දත්ත අනාවරණය කරන්නේ ජූලි මාසයේ උද්ධමනය සියයට 9.8 ක් දක්වා ගිය වසරේ අදාළ කාලයට සාපේක්ෂව ඉහළ ගොස් තිබෙන බවයි.

නියං කාලගුණික තත්ත්වය ආහාර නිෂ්පාදනය පහළ යාමට හේතුවී තිබෙන අතර ජුනි මාසයේ උද්ධමනය පැවතියේ සියයට 9.3 ක් ලෙසිනි.

කොළඹ පාරිභෝගික මිල දර්ශකයේ ආහාර කාණ්ඩයේ ඉහළ නැගීම කෙරෙහි සහල්, පොල්, මාළු, සීනි, පළතුරු, එළවළු හා පිළියල කළ ආහාරවල මිල ගණන් ඉහළ යාම දායක වූ බවත් සෞඛ්‍ය, රෙදි පිළි හා පාවහන්, ගෘහ භාණ්ඩ, ගෘහ උපකරණ හා දෛනික ගෘහ නඩත්තු හා ප්‍රවාහන යන උප කාණ්ඩයන්හි මිලද වැඩිවූ බවත් සඳහන්ය.

මූල්‍ය අරමුදල පසුගියදා පැවසුවේ මේ වසරේදී මෙරට ආර්ථික වර්ධනය සියයට 6.75 ක් දක්වා අඩුවිය හැකි බවත් උද්ධමනය සියයට 9.5 ක් දක්වා වැඩිවිය හැකි බවයි.