දෙසැ,01 (Vimasuma) –පැපිලියාන ප්‍රදේශයේ හානියට පත් ප්‍රධාන ජල නළයේ අලුත්වැඩියා කටයුතු අවසන් කර, මේ වන විට ජල සැපයුම යථා තත්ත්වයට පත්කර ඇති බව ජල සම්පාදන හා ජලාපවහන මණ්ඩලයේ ජල නිෂ්පාදන අංශය පවසයි.

ඊයේ අලුයම කලටුවාවේ සිට දෙහිවල ජල සම්පාදන තටාකයට ජලය රැගෙන යන ප්‍රධාන නළය පැපිලියානේදී පුපුරා යාමෙන් බෙල්ලන්තර අවට නිවාස 25 කට පමණ අලාභහානි විය.

සිද්ධිය වූ නිවස ඉදිරිපිට අඩි 7 ක පමණ විෂ්කම්භයක වළක් හෑරී පොළොව අභ්‍යන්තරයේ පිහිටි ප‍්‍රධාන නලය අඩි 5 කට වැඩි ප‍්‍රමාණයකින් පුපුරාගොස් තිබුණු බව ජල සම්පාදන මණ්ඩලය කියයි.

ජල සම්පාදන මණ්ඩලය පවසන අන්දමට, මෙම නළය පුපුරා යන්නට හේතුව වී ඇත්තේ, එම නලය පිහිටි ප්‍රදේශවල අනවසර ඉදිකිරීම් සිදුකර තිබීම යි.