Aris – 13 නෞකාවේ ශ්‍රී ලාංකික කාර්ය මණ්ඩලය මුදාගැනීමට හැකි සෑම පියවරක්ම ගන්නවා

Nishantha.jpg

සෝමාලියානු මුහුදු කොල්ලකරුවන් පැහැරගත් බවට සැක කෙරෙන Aris – 13 නෞකාවේ ශ්‍රී ලාංකික කාර්ය මණ්ඩලය බේරාගැනීමට හැකි සෑම පියවරක්ම ගන්නා බව වැඩබලන ගරු වරාය සහ නාවික අමාත්‍ය නිශාන්ත මුතුහෙට්ටිගම මැතිතුමා පවසයි. එතුමා මේ බව පැවසූයේ අද(16) පස්වරුවේ වරාය සහ නාවික අමාත්‍යාංශ ශ්‍ර‍වණාගාරයෙහි පැවැති මාධ්‍ය හමුවකදීය. Aris 13 නෞකාවේ ශ්‍රී ලාංකික කාර්ය මණ්ඩලයේ ඥාතීන් සමග පැවති සාකච්ඡාවකින් පසුව මෙම මාධ්‍ය හමුව පැවැත්විණි. මෙම මාධ්‍ය සාකච්ඡාවට වෙළඳ නාවික ලේකම් කාර්යාලයේ අධ්‍යක්ෂ ජනරාල් අජිත් සෙනෙවිරත්න මහතා, Aris 13 නෞකාවට මිනිස් බල පහසුකම් සැලසූ ශ්‍රී ලංකාවේ A J Shipping ආයතනයේ ප්‍ර‍ධානී ටිරෝන් ප්‍ර‍නාන්දු මහතා ඇතුළු නිලධාරීන් රැසක්ද සහභාගී විය.

scroll to top